Umugore yapfiriye mu cyumba cya padiri, umugabo we ati ’yasize ambwiye ko agiye mu itabaro’

Mu gihugu cya Zambia umugore w’imyaka 42 bamusanze mu cyumba cya padiri wa paruwasi gatolika ya Kaunda yapfuye, polisi y’iki gihugu yatangiye iperereza kuri iki kibazo.

Umuyobozi wa Polisi ya Zambia Esther Katongo yabwiye ikinyamakuru cya Leta ZNBC ko uyu mugore yitwa Monia Mulenga icyamwishe kikaba kizava mu bisubizo bya Muganga.

Katongo avuga ko umurambo w’uyu mugore wajyanywe mu bitaro bya University Teaching (UTH) kugira ngo ukorerwe isuzuma.

Ihuriro ry’abagore muri paruwasi gatolika byaberemo rivuga ko uyu mugore yari yatumweho na Padiri Mwelwa ku wa Kane mutagatifu.

Umwe mu bazi uyu mugore yagize ati “Yabeshye umugabo we Maurice ko agiye mu kiriyo cy’inshuti ye, ariko birababaje kuba yapfiriye mu nzu ya padiri Abel mu nzu za paruwasi ya Kaunda”.

Uyu muntu avuga ko uyu mupadiri yahamagaye umwe mu bagize ihuriro ry’abagore bo muri iyo paruwasi, ajyana uyu mugore mu bitaro bya Levy Mwanawasa bamupimye basanga yapfuye kare, niko guhita bamujyana mu bitaro bya University Teaching ngo hasuzumwe icyateye urupfu.

Musenyeri wa paruwasi yategetswe kwishyura ibijyanye no gushyingura byose. Kugeza ubu icyateye urupfu rw’uyu mugore ntabwo kiramenyekana hategerejwe ibizava mu isuzumwa rya muganga.

Owen Mulenga, umugabo wa nyakwigendera avuga ko yari asanzwe abizi ko umugore afitanye umubano wihariye n’uyu mpadiri ati “Tariki 19 Ugushyingo 2019, nibwo nabonye message z’urukundo kuri whatsapp y’umugore wanjye mbona zoherezwa na nomero yanditseho padiri”.

Uyu mugabo avuga ko akibona izo message yari agiye gutandukana n’uyu mugore umugore asaba imbabazi avuga ko bitazongera ariko ngo nyuma y’ukwezi kumwe byarongeye.

Ati “Umugore wanjye yahoraga ambeshya ko agiye gusenga kandi ajyanye mu malodge n’uyu mupadiri, namubuza akabyita kumubuza kujya mu bikorwa bya kiliziya”.

Ibitekerezo

  • Kaunda NI paruwasi yah ?kugira ndabitohoze neza.Mwana Wasa ho ndahazi kko nanje ndi umurundi take gukorera business hino Zambia.Hamwe vyoba arivyo yoba acumuye gose kko asambuye umubano wa bikundaniye kndi ariwe akwiy kuwubaka.Nne ko Amasengero yugawe uwomugore yavuga kagiy gusengera he ?

Tanga igitekerezo